عدد الرسائل : 405 العمر : 33 الدوله : تاريخ التسجيل : 21/02/2008
موضوع: تصجيم البنات بالعراق الجديد الخميس مايو 08 2008, 13:04
السلام عليكم
التصجيم بالعراق يعني المعاكس من يشوف ابنيه بالشارع او في الطريق او في الدرب او في مدري وين ويكولون مرات البنيه من يصجموها تكيف داخل نفسها تكول اي اني حلوه اخبل
وما اعرف لحد الان التصجيم موجود بالعراق لانه اني مادري بسوالف الولد خطية اني فقير كولش كولش يمكن جيف اني فقير بطلوا الشباب يصجمون بنات معقولة
طبعا التصجيم بالعراق يختلف عن ماموجود بالخليج همه بالخليج ماعدهم بس (ياكطوتي) من يريد يصجم الكبر لفه عبالهم النسوان حيوانات كله كطوتي مو مثلنه بالعراق عدنه بس يكولون طحين ماكو بالسوك لعد هذا الكيك منين جاي هم الكبر لفنه جوعيه عبالك
هسه بالعراق الجديد اتغير التصجيم للبنات اطور وصار هم جديد مو مثل قبل
وخلي نصجم بنات في العراق الجديد
يعني من يشوف ابنيه حلوه يكلها اويلي يابه لك شنو هاي المفخخه عيوني استري علينه شلون عبوتين ناسفتين عدها اويلي يابه فجريها علينه فدوه انفجري لا تقفي مثل المسماري لك شنو انت متروس ترس متفجرات اويلي يمعوده شنو انت دخلينه يمعوده ايد بيد لا سلاح باليد شبينه احنا عمي مانعجبك
لو من يشوف ابنيه ثانيه يكلها عيوني صدقه ل الله تروحلج الاغلبيه وكل الاقليه لك شنو من دستور عليج دخلينه نصوت عليه عيوني شدعوه اروح فدوه لهذا الصندوق مال الاقتراع شوفه شلون يلعب الصندوق مال الاقتراع لج شوكت الانتخابات داده اريد انتخب شوفه شوفه لك شنو من تكنوقراطي انتة
لو من يشوف ابنيه ثالثه يكلها اويلي لج شنو من تيار عليج تيار شعبي يلعب لعب ديري بالج من الصوله عيوني شلون زوج مليشيات عليكم عيوني هاي مسلحه لو بس نفخ داده قتاله المليشيات قتاله والله
لو من يشوف ابنيه متروسه وبيضه اويلي يابه شدعوه عيوني اروح فدوه للسنه والشيعه الي شايلتهم ويكولون بالعراق الشيعه اكثر من السنه اشو اني جاي اشوفهم نفس الحجم داده لو نافخين الشيعي وعايفين السني انزول عليج شنو من طائفيه عليج مقيته عيوني مقيته اموت على السنه والشيعه اني ابد ما افرق اثنينهم حنيه عيوني على كيفك ويانه تره امي ددور على جنه واني اكلها اجيبلج اربع جناين يمه الا اسوي وحده وطنيه اجيبلها شيعيه وسنيه وكرديه ومن اليزيديه الشبك
لو من يشوف ابنيه اتخبل كلش فراح يكلها لك شنو انت اتمنيت انت مدينه الصدر واني القوات الحكوميه واحاصرك منين تفلت بس اريد اعرف عيوني ويوميه اقصفك بصواريخ بوس شفه خد مو ارض جو عيوني انت واسويلك حظر ما اخليك تروح منا مناك تبقه يمي ياماي ورد انت لك ياحلو وينك شدعوه ساكت تسوي حرب مفتوحه عليه وخلي البوسات باليوم ميه لك وينك بعد ماكو صبر داده مو اني خارج عن القانون اي وينك تعال ياحلو اعتقلني عذبني اسجني اي شي المهم ايدك تلامس ايدي
الي يريد يصجم هله بيه الموضوع مفتوح تره مرات حتى البنات يصجمون بالولد اني مره جنت في هوليوود جان عندي مراجعه معامله مال التقاعد مال ابويه هناك جنت دأمشي ومرت انجليني جولي اتصجمني الحقيره وتكلي اروح فدوه لطولك لو هاي الثانيه نيكول كيدمن تكلي دنك ياحلو لا يلوحك القناص شلك بصولة الفرسان ودوخت الراس